Sumqayıt şəhərinin 9-cu mikrorayonunda, “Doktor.az”ın arxasında yerləşən köhnə 5 mərtəbəli binanın giriş blokunun pilləkən hissəsinin qəzalı vəziyyətdə olması ilə bağlı sakinlər tərəfindən müraciət daxil olub.

Sakinlərin Sumqayit.tv-yə bildirdiyinə görə, 9-cu mikrorayon, ev 11/17 ünvanlı binanın pilləkənləri uzun müddətdir baxımsızlıqdan dağılmış vəziyyətdədir. Döşəmələr çöküb və ümumi istifadə sahələri təhlükə yaradır. Onların sözlərinə görə, məsul qurumlara dəfələrlə müraciət edilsə də, problem hələ də həllini tapmayıb.

Müraciət edən sakin qeyd edir ki, bir neçə gün əvvəl binada yaşayan bir xanım pilləkəndən yıxılıb və qolu sınıb, ona implant qoyulub.

"Bıokun pilləkənləri çox pis vəziyyətdədir, hər addımda uçma təhlükəsi var. Yıxılan qadının vəziyyəti hamımızı narahat edib. Yaranmış vəziyyət isə heç kimi maraqlandırmır.”

Sakinlər aidiyyəti təşkilatları məsələ ilə bağlı təcili tədbir görməyə çağırırlar.

8-12-2025, 15:52 165