Milli Hidrometeorologiya Xidməti ölkə üzrə faktiki hava məlumatlarını açıqlayıb.

Sumqayit.tv xəbər verir ki, dekabrın 11-də Sumqayıt və Abşeron yarımadasında yağıntılı hava şəraiti davam edib.

Rəsmi məlumata əsasən, şəhər və ətraf ərazilərdə yağışın miqdarı 35 mm təşkil edib ki, bu da son günlərin ən yüksək göstəricilərindən biri sayılır. Havanın leysan xarakterli olması nəticəsində bəzi yerlərdə qısa müddətli intensiv yağış müşahidə olunub.

Bakı-Sumqayıt zolağı ilə yanaşı, ölkənin digər bölgələrində də yağıntılar qeydə alınıb. Qırız, Xınalıq və Şahdağ istiqamətində qar yağması nəticəsində qar örtüyünün hündürlüyü 4–5 sm təşkil edib.

Bununla yanaşı, bu gün səhər saatlarında Sumqayıt daxil olmaqla bir neçə rayonda duman müşahidə olunub. Şəhər üzrə görünüş məsafəsi 200 metrədək məhdudlaşıb ki, bu da nəqliyyatın hərəkətinə təsir edib.

Sinoptiklərin məlumatına görə, gün ərzində yağıntılı hava şəraiti davam edə bilər.

11-12-2025, 12:20 37