Sumqayıt şəhərinin İnşaatçılar qəsəbəsində yol infrastrukturunun yararsız vəziyyəti sakinlərin uzun müddətdir narazılığına səbəb olur.
Sumqayit.tv-yə verilən məlumata görə xüsusilə Beton Zavod adlanan ərazidə yolların illərdir təmir olunmaması həm piyadaların, həm də nəqliyyat vasitələrinin hərəkətində ciddi çətinliklər yaradır.

Yağışlı havalarda küçələrdə iri gölməçələr əmələ gəlir, yollar palçıq içində qalır və demək olar ki, istifadəyə yararsız olur. Bu səbəbdən avtomobillərin giriş-çıxışı çətinləşir, bəzi hallarda Təcili Tibbi Yardım və taksi xidmətləri belə əraziyə daxil ola bilmir.

Sakinlər bildirirlər ki, məsələni dəfələrlə müxtəlif qurumlara və mediaya çatdırmalarına baxmayaraq, vəziyyət dəyişməz qalır. Ötən il Sumqayıt şəhər Bələdiyyəsinə edilən rəsmi müraciətə cavab olaraq ərazinin asfaltlanmasının 2025-ci ilin tədbirlər planına daxil edildiyi bildirilib. Lakin ilin başa çatmasına sayılı günlər qalsa da, ərazidə heç bir iş görülməyib.

Qeyd olunur ki, bu küçədə Vətən Müharibəsi şəhidləri Xələfli Mahir Muxtar oğlu və Cabbarov Akif Elxan oğlu yaşayıb. Sakinlərin fikrincə, şəhid ailələrinin yaşadığı əraziyə xüsusi diqqət ayrılması zəruri idi.

Sumqayi.tv olaraq məsələni ictimaiyyətə çatdırırıq və aidiyyəti qurumların problemi qısa zamanda gündəmə alacağına ümid edirik.

VİDEO LİNK: 

@sumqayittvofficial

Sumqayıtda infrastruktur bərrbad vəziyyətdədir. Bələdiyyənin 2025-ci il üçün verdiyi vəd reallığa çevrilmədi. Sumqayıt SumqayitTV SumqayıtXəbər SumqayitXeber İnşaatçılarQəsəbəs Bələdiyyə Şikayət

♬ original sound - Sumqayıt TV Official - Sumqayıt TV Official

15-12-2025, 10:44 44