Ekologiya və Təbii Sərvətlər Nazirliyi yanında Dövlət Mineral Xammal Ehtiyatlarından İstifadə Agentliyi və İqtisadiyyat Nazirliyi yanında Əmlak Məsələləri Dövlət Xidmətinin Hərracların Təşkili Mərkəzi yanvarın 29-da faydalı qazıntı yataqlarının istifadəyə verilməsi üzrə növbəti hərracı keçirəcək.

Sumqayit.tv xəbər verir ki, hərrac çərçivəsində Sumqayıt şəhərində yerləşən “Sumqayıt” gil yataqları (2.57 hektar) investorlara təqdim olunacaq. İddiaçılar hərracda iştirakla bağlı sənədləri 22 yanvar 2026-cı il, saat 18:00-dək “Bakı KOB evi”nə (Bakı şəhəri, Ziya Bünyadov prospekti, 38C, 1969-cu məhəllə) təqdim edə bilərlər.

Hərracda iştirak etmək və əsas şərtlər toplusunu əldə etmək üçün iddiaçılar elanda qeyd olunan məbləğdə xidmət haqqını və behi ödəməlidirlər. Qeyd edək ki, hərracda xarici ölkələrin hüquqi və fiziki şəxsləri də iştirak edə bilər.

Hərrac Əmlak Xidmətləri Məkanında keçiriləcək.

18-12-2025, 17:54 24