Sumqayıtda küçənin bərbad vəziyyəti ilə bağlı şikayət – sakinlər yoldan narazıdır

Sumqayit.tv-yə verilən məlumata görə, Sumqayıt şəhərinin “Stansiya Sumqayıt” ərazisində yerləşən, (İddiaya görə) İşəhid Kənan Allahverdiyev küçəsinin yol örtüyünün yararsız vəziyyətdə olması sakinlərin narazılığına səbəb olub.

Redaksiyamıza müraciət edən izləyicinin sözlərinə görə, sözügedən küçədə yollar uzun müddətdir bərbad vəziyyətdədir və nəqliyyat vasitələrinin hərəkəti çətinləşib. Sakin bildirir ki, yol örtüyündə yaranmış çalalar gündəlik gediş-gəlişə ciddi maneə yaradır.

Göndərilən videomaterialdan da aydın görünür ki, küçədə yol infrastrukturu ciddi şəkildə aşınıb və bərpa işlərinə ehtiyac var.

Məsələ ilə bağlı aidiyyəti qurumların mövqeyini dərc etməyə hazırıq.

Müəllif: Sumqayit.tv

19-12-2025, 20:22 59