Sumqayıt Ağır Cinayətlər Məhkəməsinin hakimi yol qəzasında həlak olub

Sumqayit.tv ölkə mediasına istinadən xəbər verir ki, Sumqayıt Ağır Cinayətlər Məhkəməsinin hakimi Aynur Rzayeva yol-nəqliyyat hadisəsi nəticəsində həyatını itirib.

Hadisə Novxanı–Pirşağı avtomobil yolunda baş verib. İlkin məlumata əsasən, A.Rzayevanın idarə etdiyi “Nissan” markalı avtomobil digər nəqliyyat vasitəsi ilə toqquşub. Qəza nəticəsində hakim hadisə yerində dünyasını dəyişib.

Faktla bağlı müvafiq qurumlar tərəfindən araşdırma aparılır.

Qeyd olunur ki, Aynur Rzayeva şəhid övladıdır. O, 2022-ci ildə İlham Əliyevin “Bir sıra birinci instansiya məhkəmələri hakimlərinin təyin edilməsi haqqında” sərəncamı ilə Sumqayıt Ağır Cinayətlər Məhkəməsinin hakimi vəzifəsinə təyin olunmuşdu.

Sumqayit.tv mərhumun ailəsinə və yaxınlarına dərin hüznlə başsağlığı verir.

22-12-2025, 21:12 130