Sumqayıt şəhərində yerləşən 11 nömrəli məktəb ilə bağlı valideynlər tərəfindən narazılıq bildirilib.
Sumqayit.tv-yə göndərlilən şikayətə görə, məktəbin 8 “F” sinifi (rus bölməsi) bir həftədir ki, ümumilikdə əsas sinif otaqlarından çıxarılaraq məktəbin emalatxana binasında yerləşdirilib. 8 "F sinifinin əsas otağına isə 10-cu sinif şagirdlərini yerləşdiriblər. Valideynlərin iddialarına əsasən, sözügedən emalatxanada istilik sistemi mövcud deyil və qış mövsümündə şagirdlərin soyuq şəraitdə dərs keçməsi onların sağlamlığı və tədris keyfiyyəti baxımından ciddi narahatlıq doğurur.
Valideynlər bildirirlər ki, yaranmış vəziyyətlə bağlı məktəb rəhbərliyinə müraciət edilsə də, hələlik problemin aradan qaldırılması istiqamətində konkret addım atılmayıb. Qeyd olunur ki, hazırda məktəbə əvəzedici direktor kimi Şəhla Bağırova rəhbərlik edir.
Sumqayit.tv olaraq məsələ ilə bağlı rəsmi qurumların və məktəb rəhbərliyinin mövqeyini mövqeyini işıqlandırmağa hazırıq.
26-12-2025, 12:33
80
