Sumqayıt şəhərində, Yaşıl dərə ərazisində sahibsiz itlərin sayının artması sakinlər arasında ciddi narahatlığa səbəb olub.

Sumqayit.tv-yə daxil olan izləyici məlumatına görə, Elnur marketin qarşısında toplaşan sahibsiz itlər yol hərəkəti üçün təhlükəli vəziyyət yaradır. Bildirilir ki, itlər hərəkətdə olan avtomobillərin üzərinə cumaraq qəza riskini artırır, eyni zamanda piyadalara qarşı da aqressiv davranış nümayiş etdirirlər.

Səməd Həsən adlı sakin qeyd edir ki, sahibsiz itlər dəfələrlə insanların üzərinə hücum edib. Bu gün isə onun sözlərinə görə, üç it eyni anda onun üzərinə cumub, nəticədə ciddi təhlükə yaranıb.

Sakinlər məsələ ilə bağlı aidiyyəti qurumların tədbir görməsini, sahibsiz heyvanların nəzarət altına alınaraq təhlükəsiz ərazilərə aparılmasını xahiş edirlər.

Sumqayit.tv olaraq məsələni diqqətdə saxlayır və aidiyyəti qurumların mövqeyini işıqlandırmağa hazırıq.

9-02-2026, 11:11 37