Bir ildən çoxdur təmir olunmayan yol sürücülər üçün ciddi problemə çevrilib.

Sumqayit.tv-yə Sumqayıt şəhəri, 36-cı məhəllə, bina 2/24-ün qarşısı ilə bağlı şikayət daxil olub. Bildirilir ki, sözügedən ərazidə yolun ortasında iri çala əmələ gəlib və bu, sürücülər üçün ciddi təhlükə yaradır.

Sakinlərin sözlərinə görə, çala səbəbindən bir neçə avtomobil yolda bataraq hərəkətsiz qalıb. Bir neçə gün əvvəl sosial şəbəkələrdə yayılan və avtomobilin yolda batmasını əks etdirən görüntülər də məhz bu həyətdə çəkilib.

Şikayətdə qeyd olunur ki, problem 1 ildən artıqdır mövcuddur. Dəfələrlə aidiyyəti qurumlara müraciət edilməsinə baxmayaraq, yolun təmiri ilə bağlı indiyədək hər hansı tədbir görülməyib. Mövcud vəziyyət həm avtomobillərə maddi ziyan vurur, həm də qəza riskini artırır.

Sumqayit.tv məsələni aidiyyəti qurumların diqqətinə çatdırır.

12-02-2026, 19:05 72