Azərbaycan Prezidenti İlham Əliyev Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) hərbi qulluqçularının və mülki işçilərinin təltif edilməsi haqqında Sərəncam imzalayıb.
Sumqayit.tv xəbər verir ki, sərəncama əsasən SHXÇDX-nin Sumqayıt şəhər baş idarəsinin rəisi, general-mayor Natiq Sahib oğlu Qarayev “Vətən uğrunda” medalı ilə təltif edilib.
Məlumata görə, Natiq Qarayev uzun illər ərzində xidməti fəaliyyətində göstərdiyi peşəkarlığa, dövlətçiliyə sədaqətinə və üzərinə düşən vəzifələri yüksək məsuliyyətlə yerinə yetirməsinə görə bu mükafata layiq görülüb.
Qeyd edək ki, general-mayor Natiq Qarayev 2020-ci il dekabrın 15-də “Azərbaycan Bayrağı” ordeni ilə də təltif olunub. O, Vətən müharibəsi zamanı döyüş əməliyyatlarının idarə olunmasında yüksək peşəkarlıq göstərmiş, düşmənin canlı qüvvəsinin və döyüş texnikasının məhv edilməsində fədakarlıq və rəşadət nümayiş etdirmiş hərbi qulluqçu kimi bu ali dövlət mükafatına layiq görülüb.