Birinci Qarabağ müharibəsində itkin düşmüş hesab olunan Mehriban Qarayeva Sumqayıtda torpağa tapşırılıb.
Sumqayit.tv xəbər verir ki, şəhidlə keçirilən vida mərasimindən sonra onun nəşi Sumqayıt Şəhidlər xiyabanında dəfn edilib. Mərasimdə şəhidin doğmaları, şəhərin rəsmi şəxsləri, hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.
Qeyd edək ki, Mehriban Arif qızı Qarayeva 27 mart 1970-ci ildə Sumqayıt şəhərində anadan olub. O, 9 iyul 1992-ci ildə Ağdərə rayonunun Sərxavənd kəndi istiqamətində gedən döyüşlər zamanı itkin düşüb.