Əməkdar jurnalist, yazıçı-publisist və Sumqayıt hadisələrinin araşdırmaçısı, Sumqayıtın ensiklopediyası kimi tanınan Eyruz Məmmədov 73 yaşında, uzun sürən xəstəlikdən sonra vəfat edib.
Sumqayit.tv xəbər verir ki, Eyruz Məmmədov 1988-ci ildən etibarən Azərbaycana qarşı törədilmiş erməni-daşnak təxribatlarının araşdırılması və ifşası istiqamətində ardıcıl və prinsipial fəaliyyət göstərib. O, Sumqayıt hadisələri ilə bağlı həqiqətlərin üzə çıxarılmasında mühüm rol oynayıb.
Qeyd edək ki, Eyruz Məmmədov çoxsaylı tarixi-sənədli filmlərin, eləcə də 30-dan artıq kitabın müəllifi olub. Onun uzun illər ərzində apardığı araşdırmalar və qələmə aldığı əsərlər Sumqayıtın və bütövlükdə Azərbaycanın tarix yaddaşında silinməz iz qoyub.

Mərhumla son vida mərasimi bu gün saat 11:30-da yaşadığı həyətdə keçiriləcək.

Allah rəhmət eləsin.