Milli Məclisin sədr müavini Rafael Hüseynovun parlamentin adının dəyişdirilməsi ilə bağlı səsləndirdiyi fikir ictimai müzakirələrə səbəb olub.

Sumqayit.tv xəbər verir ki, Rafael Hüseynov “Mədəniyyət haqqında” qanuna təklif olunan dəyişikliklərin müzakirəsi zamanı çıxış edərək bildirib ki, əslində “Milli Məclis” deyil, “Millət Məclisi” ifadəsi daha doğru olardı.

Səsləndirilən bu fikir sosial şəbəkələrdə müxtəlif reaksiyalar doğurub. Tanınmış sumqayıtlı jurnalist Zaur Əhməd məsələ ilə bağlı paylaşım edərək təklifə tənqidi münasibət bildirib.

O qeyd edib ki, parlamentin adının dəyişdirilməsi mahiyyəti dəyişmir:

“‘Milli Məclis’in adını ‘Millət Məclisi’ qoymaqla ora millətin məclisi olmayacaq. Önəmli olan insanların oranı öz məclisi kimi qəbul etməsidir”, – deyə paylaşımda vurğulanıb.

Zaur Əhməd həmçinin deputatların cəmiyyətlə daha sıx ünsiyyətdə olmasının vacibliyini qeyd edərək, vətəndaşların parlamentə münasibətinin əsas meyar olduğunu bildirib.

28-02-2026, 15:09 88