Redaksiyamıza Ceyranbatan qəsəbəsindən su kəsintisi ilə bağlı şikayət daxil olub.
Sakinlərin Sumqayit.tv-yə bildirdiyinə görə, dünəndən etibarən qəsəbədə içməli su tamamilə kəsilib. Məsul qurumun qaynar xətti ilə əlaqə saxlayan vətəndaşlara əvvəlcə “təzyiq zəifdir, axşama düzələcək” cavabı verilib. Lakin sakinlər bildirir ki, aradan bir sutka keçməsinə baxmayaraq su hələ də verilməyib.
Şikayətçilər qeyd edir ki, bu artıq dəfələrlə təkrarlanan problemdir və suyun verilməsində fasilələr gündəlik həyatı çətinləşdirir:
"Zəng edirik, hər dəfə eyni sözləri deyirlər. Dünən dedilər axşama su veriləcək, amma bu gün də vəziyyət dəyişməyib."
Sakinlər aidiyyəti qurumlardan məsələnin operativ şəkildə araşdırılmasını və problemin tam həll edilməsini xahiş edirlər.

7-04-2026, 09:47 171