Sumqayıt şəhərinin 18-ci məhəlləsindən Azərbaycan prospektinə çıxan yolun kənarında 4 saylı Regional Ekologiya və Təbii Sərvətlər İdarəsinə məxsus məlumat lövhəsinin quraşdırılması sakinlərin narazılığına səbəb olub.
Sakinlərin Sumqayit.tv-yə bildirdiyinə görə, lövhə uyğun olmayan nöqtədə yerləşdirildiyindən sürücülər üçün təhlükəli vəziyyət yaradır. Bildirilir ki, məhəllədən əsas yola çıxan sürücülərin soldan gələn avtomobilləri görməsinə maneə yaranır.
Onların fikrincə, bu vəziyyət hər an yol-nəqliyyat hadisəsinə səbəb ola bilər.
Sakinlər aidiyyəti qurumlardan sözügedən lövhənin daha təhlükəsiz və maneə yaratmayan əraziyə köçürülməsini xahiş edirlər.
VİDEO LİNK: Sumqayıt TV / Media Platforma (@sumqayittv) | TikTok
21-04-2026, 15:09
304
