Sumqayıt şəhərinin 9-cu mikrorayon ərazisində yaşayan sakinlər elektrik enerjisinin tez-tez kəsilməsi ilə bağlı narazılıqlarını bildirirlər.
Sumqayit.tv-yə daxil olan müraciətdə qeyd olunur ki, xüsusilə 23A/8 ünvanı və ətraf binalarda son günlər ciddi elektrik problemi yaşanır.
Sakinlərin sözlərinə görə, artıq 3 gündür ərazidə elektrik enerjisinin uzunmüddətli kəsilməsi müşahidə olunur. Bildirilir ki, bəzi hallarda işıqlar 3-4 saat, hətta dünən təxminən 10 saat ərzində olmayıb.
Vətəndaşlar aidiyyəti qurumlarla əlaqə saxlamaqda da çətinlik çəkdiklərini bildirirlər:
“199 xidmətinə zəng etdik. Şikayət qeydə alındı, amma “nə zaman bərpa olunacağını deyə bilmərik” cavabı verildi. Digər nömrələr isə ya cavab vermir, ya da deaktiv olunub. 21-ci əsrdə şəhərin mərkəzində saatlarla işığın olmaması ciddi problemdir”, – deyə müraciətdə qeyd olunur.
Sakinlər problemin səbəbi ilə bağlı rəsmi açıqlama verilməsini və elektrik təminatında yaranmış problemin qısa zamanda aradan qaldırılmasını xahiş edirlər.
Qarşı tərəfin mövqeyini dərc etməyə hazırıq.
18-05-2026, 17:16
249
