Sumqayıt şəhəri 5-ci mikrorayon, 8/12 ünvanında yerləşən yataqxananın sakinləri binanın mövcud vəziyyətindən narazıdırlar.

Sumqayit.tv-yə daxil olan müraciətdə qeyd olunur ki, yataqxanada uzun müddətdir həm kommunal, həm də texniki problemlər yaşanır.

Sakinlərin sözlərinə görə, binada su təchizatı normal şəkildə təmin olunmur. Bildirilir ki, günorta saatlarında su verilmir, bəzi hallarda isə saatlarla su gözləməli olurlar.

Göndərilən fotolarda yataqxananın dəhliz və pilləkən hissələrinin baxımsız vəziyyətdə olduğu görünür. Divar və tavanlarda ciddi aşınmalar, rütubət izləri, qopmuş suvaqlar, açıq elektrik naqilləri və təhlükə yarada biləcək digər problemlər diqqət çəkir.

Sakinlər iddia edirlər ki, bina uzun müddətdir əsaslı təmir olunmur və yataqxana plana düşməyib.

Onlar aidiyyəti qurumlardan yataqxananın vəziyyətinin araşdırılmasını, su probleminin həllini və binada təmir-bərpa işlərinin aparılmasını xahiş edirlər.

Qarşı tərəfin mövqeyini dərc etməyə hazırıq.

Bu gün, 16:03 5