Sumqayıt şəhəri Corat qəsəbəsində yaşayan sakinlər kanalizasiya probleminin ciddi narahatlıq yaratdığını bildirirlər.

Sumqayit.tv-yə daxil olan müraciətdə qeyd olunur ki, Corat qəsəbəsi, Nəriman Nərimanov küçəsində kanalizasiya xətti mövcud olsa da, işlək vəziyyətdə deyil.

Sakinlərin sözlərinə görə, artıq 3 gündür əraziyə çirkab suları dolub və problem aradan qaldırılmır.

Bildirilir ki, məsələ ilə bağlı aidiyyəti qurumlara dəfələrlə müraciət olunub. İcra hakimiyyətinə, “Azərsu” ASC-yə və Corat bələdiyyəsinə məlumat verilsə də, problemin həlli istiqamətində nəticə əldə olunmadığı iddia edilir.

“İcraya müraciət etdik, ‘nəzərə alındı’ deyildi. Azərsuya məlumat verdik, gəlib baxılacağı bildirildi. Corat bələdiyyəsinə də deyilib, lakin hələ də problem həll olunmur”, – deyə sakinlər bildiriblər.

Göndərilən video görüntülərdə küçə ərazisində çirkab suların toplandığı və sakinlərin hərəkətində çətinlik yarandığı müşahidə olunur.

Ərazi sakinləri aidiyyəti qurumlardan kanalizasiya xəttinin açılmasını və problemin operativ şəkildə aradan qaldırılmasını xahiş edirlər.

Qarşı tərəfin mövqeyini dərc etməyə hazırıq.

Bu gün, 13:30 16