Sumqayıt şəhəri 45-ci məhəllə, 7/79 ünvanında yerləşən yaşayış binasının giriş hissəsinin yararsız vəziyyəti ilə bağlı yayılan görüntülərə münasibət bildirilib.

Sumqayit.tv-in işıqlandırdığı məsələ ilə bağlı, Sumqayıt Şəhər İcra Hakimiyyəti sosial şəbəkə üzərindən məsələ ilə bağlı açıqlama yayıb.

Açıqlamada qeyd olunub ki, şəhərdə yaşayış binalarının təmiri istiqamətində son illər mühüm layihələr həyata keçirilir.

“Binaların dam örtüyü vurulur, zirzəmilər təmizlənir, eyni zamanda binaların girişləri təmir olunur. Bu işlər gələcəkdə də davam etdiriləcək”, – deyə məlumatda bildirilib.

Qeyd edək ki, daha əvvəl sakinlər binanın giriş hissəsinin baxımsız vəziyyətdə olduğunu bildirərək aidiyyəti qurumlardan məsələyə diqqət ayrılmasını xahiş etmişdilər.

Bu gün, 12:02 13