Sumqayıta velosiped yaraşar - VİDEO
Sumqayıt şəhərində velosiped yollarının çəkilməsi barədə dəfələrlə təkliflər edilib. Bu dəfə tanınmış həkim, ictimai fəal Vasif İsmayıl məsələ ilə bağlı fikirlərini açıqlayıb. SUMQAYIT TV xəbər verir ki, O sosial şəbəkə hesabında Sumqayıta velosipedin nə dərəcədə yaraşmasına dair söz açıb. Yazını olduğu kimi təqdim edirik.
Azərbaycanda demək olar ki, heç bir yaşayış məskənində velosiped sürmək mümkün deyil. Doğrudur, haradasa gözdən uzaq bir yer tapmaq olar, ancaq velosipedlə hərəkət etmək, şəhəri, kəndi gəzmək mümkün deyil.
Velosipedin faydalarını saymaqla bitməz, lakin müntəzəm velosiped sürənlərin adətən özlərini xoşbəxt hiss etdiklərini dəfələrlə müşahidə etmişəm.
Məgər, cəmiyyətin əsas hədəfi fərdin xoşbəxtliyini artırmaq deyilmi?
Sumqayıt gözəl və yaşıl şəhərdir. Velosiped yolları çəkmək, hər məntəqədən velosiped sürmək üçün uyğun parklara infrastrukturu qurmaq mümkündür… Və lazımdır.
Sumqayıt icra strukturlarından şəhərimizdə velosiped infrastrukturu qurmaq üçün tədbir görməsini xahiş edirik. ReAL Sumqayıt şəhər ofisi, sumqayıtlı olaraq bunu diqqətə çatdırmaq üçün müntəzəm aksiya keçirməyi planlaşdırırıq.
Dünən belə bir aksiyanı keçirdik. İştirak edən hər kəsə təşəkkür edirəm.
Sumqayıta velosiped yaraşar!
4-07-2021, 16:34
468
Digər xəbərlər
