Bir müddət öncə Sumqayıt Şəhidlər Xiyabanının girişində olan tikili haqda məlumat vermişdik. Xiyaban təmir olunarkən burada məscid inşa olunduğu vurğulanmışdır. Ancaq təmir işləri bitəndən sonra tikili məscid kimi fəaliyyətə başlamadı. Əksinə, uzun müddət bağlı qaldı. Hətta Sumqayit.tv-nin bu haqda xəbərinə Sumqayıt şəhər İcra Hakimiyyəti rəsmi Feysbuk səhifəsi "tikilinin məscid kimi nəzərdə tutulmadığını" deyərək əks reaksiya vermişdir. Ancaq dünən  Şəhidlər Xiyabanına baş çəkərkən tikilidə xeyli adamın işlədiyini gördük. Artıq yerə namaz qılmaq üçün böyük ölçülü xalça da sərilib. Lazım olan digər texniki işlər də icra olunur. Beləliklə tikili məscid kimi istifadəyə hazırlanır. Yaxın günlərdə açılışı gözlənilir.