Azərbaycan Respublikasının Prezidenti və Ali Baş Komandan İlham Əliyevə
Azərbaycan Respublikası Müdafiə naziri Zakir Həsənova
Azərbaycan Respublikası Müdafiə nazirinin 1-ci müavini, Baş Qərargah rəisi Kərim Vəliyevə
Mən bu gün kənardan izlədiyim bir məsələyə toxunmaq istəyirəm. İstər Dövlət Sərhəd Xidməti olsun, istər Fövqəladə Hallar Nazirliyi olsun, istər Daxili İşlər Nazirliyi olsun, istər Dövlət Təhlükəsizliyi Xidməti olsun. Azərbaycan Respublikası Müdafiə Nazirliyi bütün bu nazirliklərdən daha böyük bir  təşkilatdır. Bütün bunlara baxmayaraq, digər güc strukturları çox gözəl addımlar atırlar. Bu orqanların adi çavuşundan tutmuş ali rütbəli zabitinə qədər tərxis olunduqdan sonra həmin orqanın səhiyyə orqanlarında müalicə ala bilirlər. Amma bu gün Müdafiə Nazirliyi strukturunda səhiyyə məsələsi məhv olub.  Nə gizir, nə leytenant, nə kapitan adıçəkilən yerlərdə müalicə ala bilmir. Yalnız mayor rütbəsindən yuxarı zabitlər müalicə ala bilərlər. Xahiş edirik adıçəkilən aşağı rütbəli şəxslərin də bu müalicə müəssisələrində və hospitallarında pulsuz müayinə və müalicə almasına şərait yaradasız.
Hörmətlə: 848 saylı hərbi hissənin (702 saylı hərbi hissənin 2-ci motoatıcı batalyonunun) sabiq komandiri, Azərbaycan Bayrağı Ordenli,  məşhur Horadiz Əməliyyatının iştirakçısı, 44 günlük Vətən Müharibəsinin iştirakçısı, Qazi-Komutan Həsənov Zahir Şamxal oğlu