Qərbi Azərbaycan İcması (QAİ) Sumqayıt şəhər nümayəndləliyinin Gənclər Birliyinin qurup rəhbərləri, Azərbaycan Milli Konservatoriyasının nəzdində Sumqayıt Musiqi Kollecinin müəllim və tələbə heyyəti ilə “Qərbi Azərbaycana Qayıdış” mövzusunda görüş olub.
Sumqayit.tv-yə verilən məlumata görə, toplantı Sumqayıt Musiqi Kollecində baş tutub. QAİ Sumqayıt nümayəndəliyinin Gənclər Birliyinin qurup rəhbəri Lalə Tarverdiyevaçıxış edərək, toplantı iştirakçılarına QAİ Sumqayıt Nümayəndəsi Ramiz İsmayılovun və Sumqayıt nümayəndəliyinin Gənclər Birliyinin sədri Elman Telmanoğlunun salamlarını çatdırıb.  L.Tarverdiyeva Azərbaycan Respublikasının Prezidenti İlham Əliyevin Qərbi Azərbaycan İcması qarşısında qoyduğu Qayıdış Konsepsiyası barədə gənclərə ətraflı məlumat verərək, bildirib ki, sözügedən məsələdə gənclərin oynadığı rol mühüm əhəmiyyət kəsb edir.  “Hər bir gənc Qərbi Azərbaycanın toponimləri, mətbəxi, adət-ənənələri, tarixi, milli və mədəni abidələri barədə geniş məlumata sahib olmalıdır. Ki, apardığımız mübarizə təsirli olsun.”-deyə, L.Tarverdiyeva bildirib.Sonra  Sumqayıt Musiqi Kollecinin direktor müavini Mübariz Quliyev çıxış edərək,  gəncləri erməni haqsızlıqlarını ifşa etmək, onların həqiqətə söykənməyən iddialarını arqumentlər əsasında ortadan qaldırmaq üçün  mübarizə aparmağa səsləyib.
Sumqayıt Musiqi Kollecinin müəllimi Rauf Həsənov çıxış edərək düşmən həmlələrinin dəf edilməsi üçün  zamanının yetişdiyini deyib. O da bu məsələdə gənclərin sistemli şəkildə mübarizəyə qoşulmalı olduqlarını, xüsusən də sosial media seqmentlərində fəallıq göstəmələri vurğulayıb.  Daha sonra QAİ Sumqayıt nümayəndəliyin  Gənclər Birliyinin qrup rəhbəri Fuad Şamilov şıxış edib. F.Şamilov bildirib ki, Qərbi Azərbaycana qayıtmaq istiqamətində birlik nümayiş etdirilməlidir. Əsasən də gənclər bu siyasətin lokomotivi rolunu oynamalıdılar ki, başladılan iş uğurlu sonluğa çata bilsin.