Sumqayıt Ailə Sağlamlıq Mərkəzində İİV-in erkən aşkarlanması ilə bağlı aksiya təşkil olunub
Səhiyyə Nazirliyi Respublika QİÇS-lə Mübarizə Mərkəzinin Sumqayıt Regional Laboratoriyasının həkim briqadası tərəfindən Sumqayıt 2 nömrəli Ailə Sağlamlıq Mərkəzində İİV/QİÇS-in erkən aşkarlanması məqsədilə müayinə aksiyası keçirilib və maarifləndirmə işi aparılıb.
Sumqayit.tv xəbər verir ki, bu məlumat Aztibb.az-a Respublika QİÇS-lə Mübarizə Mərkəzindən verilib.
Təcrübəli həkimlər tərəfindən iştirakçılara xəstəliyin yoluxma yolları, müayinə və müalicəsi barədə ətraflı məlumat verilib, onları maraqlandıran suallar cavablandırılıb, İİV/QİÇS-ə aid broşurlar, bukletlər paylanıb.
22-11-2023, 15:00
98
