Sumqayıtda “Mərhəmətli olmağa tələsin!” devizi altında keçirilən xeyriyyə aksiyası başa çatıb
Azərbaycan Qızıl Aypara Cəmiyyətinin Sumqayıt şəhər bölməsinin “Mərhəmətli olmağa tələsin!” devizi altında keçirdiyi növbəti xeyriyyə aksiyası başa çatıb.
Bu məlumat Sumqayit.tv-yə Sumqayıt Tibb Mərkəzindən (STM) verilib.
Aksiyanın dəstəkçilərindən biri olan STM kollektivi tərəfindən alınan qış geyimləri İctimaiyyətlə əlaqələr bölməsinin müdiri Ramil Zeynallı tərəfindən təqdim olunub.
Cəmiyyətin Sumqayıt şəhər bölməsinin müdiri Mətanət Məhərrəmova STM-nin direktoru Səkinə Sadıxovanı xeyriyyə aksiyasında fəal iştirakına görə təşəkkürnamə ilə təltif edib. Sözügedən mükafat Ramil Zeynallıya təqdim olunub.
Qeyd edək ki, aksiyanın məqsədi hər iki valideynini itirmiş, tək ananın və Vətən müharibəsində canını fəda etmiş şəhid və qazi ailələrinin övladlarını mövsümi qış geyimləri ilə təmin etməkdən ibarət olub.
27-11-2023, 12:38
105
