TƏBİB-in tabeliyindəki Sumqayıt Tibb Mərkəzi (STM) orta məktəblərdə qızılcanın profilaktik müalicəsi ilə bağlı maarifləndirmə tədbirlərinə start verib.
Bu barədə Sumqayit.tv-yə STM-dən bildirilib.
İlk belə tədbir General Məhəmməd Əsədov adına İnteqrasiya təlimli internat tipli gimnaziyada keçirilib.
Valideynlərin iştirak etdiyi tədbirdə Sumqayıt Tibb Mərkəzinin 1 nömrəli Ailə Sağlamlıq Mərkəzinin Pediatriya şöbəsinin müdiri Şəbnəm Səlimova, ailə həkimi-pediatr Günay Əhmədova qızılca xəstəliyi haqqında geniş məlumat verib.
Xəstəliyə qarşı mübarizə tədbirlərindən bəhs edən Ş. Səlimova bildirib ki, qızılcadan qorunmanın ən effektiv və yeganə yolu peyvənd olunmaqdır.
Sonda auditoriyanı maraqlandıran suallar cavablandırılıb.
7-12-2023, 11:38
186
