Bir sıra məhsullarda olan “nisin” adlı antibiotikin faydalı bakteriyaları məhv etdiyi və bağırsaqlara zərər vurduğu ortaya çıxıb.
Həkimlər “nisin” kimi də tanınan “E234” əlavəsini təhlükəli adlandırıblar.
“Bu, daşınma məqsədləri üçün məhsulların saxlanmasına aid konservantdır, ilk mərhələdə süd, şərab və ət məhsullarına əlavə olunur”, - həkimlər bildirib.
Mütəxəssislər qeyd ediblər ki, “nisin” təsdiq edilmiş konservantdır, lakin 2024-cü ilin yanvarında onun zərərinə dair elmi sübutlar ilk dəfə ortaya çıxıb.
Onlar araşdırmanın nəticələrinə istinad edərək bildiriblər: “Nisin insan bağırsaqlarında həm patogenlərə, həm də faydalı bakteriyalara qarşı antimikrobiyal təsir göstərir”.
Həkimlər əlavə ediblər ki, bağırsaqlarda orqanizmi müxtəlif xəstəliklərdən qoruyan sağlam mikroblar var. Konservant həmişə mikrobların inkişafına mane olan bir məhsuldur. (viral.az)