2025-ci ilin ilk 6 ayı ərzində ölkə üzrə narkotik vasitələrdən istifadə edən şəxslərin müalicəsi istiqamətində tədbirlər davam etdirilib.
Hazırda metadonla əvəzedici müalicə proqramı çərçivəsində Sumqayıt Narkoloji Mərkəzində 136 nəfər müalicə alır.

Sumqayit.tv xəbər verir ki, bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupu məlumat yayıb.

Məlumata əsasən, müalicə proqramı çərçivəsində Respublika üzrə ümumilikdə 3 mərkəzdə – Respublika Narkoloji Mərkəzi, QİÇS-lə Mübarizə Mərkəzi və Sumqayıt Narkoloji Mərkəzində cəmi 786 xəstə qeydiyyatdadır.

Mütəxəssislər narkotik istifadəsinin azaldılması və İİV-ə yoluxma hallarının qarşısının alınması üçün bu proqramların əhəmiyyətini vurğulayırlar.