İcbari Tibbi Sığorta üzrə Dövlət Agentliyi bu ilin əməliyyat statistikasını açıqlayıb.

Sumqayit.tv xəbər verir ki, İcbari Tibbi Sığorta üzrə Dövlət Agentliyinin Marketinq və ictimaiyyətlə əlaqələr departamentinin rəhbəri Aynurə Əhmədova TƏBİB və Agentlik tərəfindən keçirilən “İctimaiyyətlə əlaqələr və media nümayəndələri üçün təlim”də 2025-ci ildə icbari tibbi sığorta hesabına həyata keçirilən əməliyyatların statistikasını təqdim edib.

Onun sözlərinə görə, 2025-ci ilin ilk 11 ayında dövlət tibb müəssisələrində 347 mindən çox əməliyyat və tibbi prosedur icra olunub. Ən çox aparılan əməliyyatlar arasında uroloji müdaxilələr, təbii doğuş və qeysəriyyə kəsiyi xüsusi yer tutur.

Aynurə Əhmədova bildirib ki, əməliyyatların böyük hissəsi ölkənin aparıcı tibb müəssisələrində icra olunub. Bu siyahıda Sumqayıt Tibb Mərkəzi də yer alır. Digər əsas tibb müəssisələri sırasında Sabunçu Tibb Mərkəzi, Yeni Klinika, Mərkəzi Neftçilər Xəstəxanası və Gəncə Şəhər Birləşmiş Xəstəxanası da göstərilib.

8-12-2025, 12:56 41