Sumqayit.tv xəbər verir ki, bu barədə Səhiyyə naziri Teymur Musayev müvafiq əmr imzalayıb.
 
Qeyd edək ki, sözügedən mükafat səhiyyə sahəsində yüksək peşəkarlıq, çoxillik səmərəli fəaliyyət göstərmiş və xüsusi nailiyyətlər əldə etmiş, o cümlədən 10 il və daha artıq əmək stajı olan tibb işçilərinə verilir.

Məlumat üçün bildirək ki, Anar Namazov 17.05.1983-cü il tarixində Qubadlı rayonunda anadan olub.

O 1990-1993-cü illərdə Qubadlı rayonu 2 saylı orta məktəb, 1993-1996-cı illərdə Sumqayıt şəhəri 24 saylı orta məktəb, 1996-2000-ci illərdə isə Dədə Qorqud özəl türk liseyində təhsil alıb.

2000-2006-cı illərdə Azərbaycan Tibb Universitetində oxuyub. 2006-2008-ci illərdə Rusiya Federasiyası Lazer Mərkəzi İnstitutunda Cərrahiyyə üzrə klinik ordinatura keçib.

2008-2011-ci illərdə Azərbaycan Tibb Universitetinin I cərrahi xəstəliklər kafedrasında aspirantura keçib və Tibb üzrə fəsləfə doktoru adını qazanıb. 

Anar Namazov hazırda Azərbaycan Tibb Universitetinin I cərrahi xəstəliklər kafedrasının assistentidir. O, Tədris Cərrahiyyə Klinikasının Transplantologiya şöbəsinin müdiri vəzifəsində çalışır.

Eyni zamanda, Anar Namazov Azərbaycan və Türkiyədə bir sıra dərnək və assosiasiyaların üzvüdür.

Ailəlidir, 2 övladı var. //Demokrat.az