Naftalan şəhərində fəaliyyət göstərən Park Naftalan sanatoriyasında müalicə alan vətəndaş redaksiyamıza ünvanladığı məktubda göstərilən xidmət səviyyəsindən razı qaldığını bildirib.

Vətəndaş Yasin Mansurovun sözlərinə görə, o, mart ayının 18-dən etibarən sanatoriyada müalicə alır və Novruz bayramı günlərində təşkil olunan tədbirlər qonaqlarda xoş təəssürat yaradıb.

Onun sözlərinə görə, martın 20 və 21-də Novruz bayramı münasibətilə sanatoriya rəhbərliyi tərəfindən möhtəşəm bayram proqramı təşkil olunub və tədbirdə müxtəlif ölkələrdən gəlmiş qonaqlar da iştirak ediblər.

Məktub müəllifi bildirib ki, sanatoriyada göstərilən xidmət, müalicə paketləri, personalın qonaqlara münasibəti yüksək səviyyədədir və buranı Naftalanda fəaliyyət göstərən ən yaxşı sanatoriyalardan biri hesab edir.

Y. Mansurov fürsətdən istifadə edərək sanatoriyanın direktoru Natiq Aslanov başda olmaqla bütün kollektivi Novruz bayramı və Ramazan münasibətilə təbrik edib, onlara işlərində uğurlar arzulayıb.

O, məktubunda “Park Naftalan – doğru seçimdir” ifadəsini də qeyd edib.

Xatırladaq ki, Naftalan şəhəri müalicəvi nefti ilə tanınır və burada fəaliyyət göstərən sanatoriyalar yerli və xarici turistlərin ən çox üz tutduğu məkanlar sırasındadır.

Xoş arzularla: Yasin Mansurov

22-03-2026, 23:38 132