Sumqayıtda “Arterial hipertenziyanın diaqnostika və müalicəsi” mövzusunda elmi seminar keçirilib
Sumqayıt Tibb Mərkəzinin (STM) tabeliyində olan 1 nömrəli xəstəxananın poliklinika şöbəsində “Arterial hipertenziyanın diaqnostika və müalicəsi” mövzusunda elmi seminar keçirilib.Sumqayit.tv xəbər verir ki, seminarda poliklinika şöbəsinin müdiri Arzu Bəndəliyeva, tibb müəssisəsində çalışan həkimlər iştirak ediblər.
Şöbə müdiri Arzu Bəndəliyeva giriş sözü ilə çıxış edərək bu kimi seminarların mühüm əhəmiyyət kəsb etdiyini iştirakçıların diqqətinə çatdırıb.
Sonra söz poliklinikanın kardioloqu Elnaz Yusifovaya verilib.
E. Yusifova mövzu ilə bağlı təqdimatla çıxış edib.
Kardioloq arterial hipertenziyanı yaradan səbəblər, bu sahədə mövcud olan müalicə və müayinə üzrə dünya protokollarından geniş bəhs edib.
Qarşılıqlı fikir mübadiləsi şəraitində keçən seminarda həkimləri maraqlandıran suallar cavablandırılıb, bu sahədə həyata keçirilən tədbirlərdən söz açılıb.
Sonda qeyd olunub ki, tibbin müxtəlif sahələrinə həsr olunmuş seminarlar mütəmadi olaraq keçiriləcək.
28-05-2022, 10:59
239
