Fransa Prezidenti Emmanuel Makron ABŞ-a rəsmi səfərə gedib, o, Birləşmiş Ştatların lideri Cozef Baydenlə görüşəcək.
Sumqayit.tv bu barədə məlumatı xarici mətbuat istinadən yayıb. 
Fransa liderini daşıyan təyyarənin Vaşinqtondan kənarda yerləşən Endryus bazasına endiyi bildirilir. Makron Nyu Orleana səfər etməzdən əvvəl iki gün ABŞ-ın paytaxtında qalacaq.

“Politico” nəşri yazıb ki, Makron ABŞ-a səfəri zamanı Baydeni Amerikada inflyasiyanı azaltmaq və ticarət müharibəsindən qaçmaq üçün qanunu yumşaltmağa inandırmağa çalışacaq.

Nəşrin məlumatına görə, Makron Amerika liderindən daha ucuz qaz və Avropa ölkələrinə ekoloji cəhətdən təmiz sənayelərə subsidiya vermək üçün çox milyard dollarlıq sxemə çıxış təklifini xahiş edəcək.

Bundan əvvəl ABŞ-ın Prezident Administrasiyası bildirib ki, Baydenin Vaşinqtona səfər edəcək Makronla Ukrayna, Çin, İran və enerji məsələlərini müzakirə edəcəyi gözlənilir.