NATO ölkələrinin xarici işlər nazirlərinin Buxarestdə keçirilən toplantısı çərçivəsində Türkiyənin xarici işlər naziri Mövlud Çavuşoğlu, İsveçin xarici işlər naziri Tobias Billström və Finlandiyanın xarici işlər naziri Pekka Haavisto arasında üçtərəfli görüş keçirilib.
Sumqayit.tv xəbər verir ki, bu barədə Mövlud Çavuşoğlu özü Türkiyə KİV-lərinə məlumat verib.
Mövlud Çavuşoğlu İsveçin və Finlandiyanın NATO-ya üzv olmaq istəyi ilə bağlı alyansın iyun ayında Madriddə keçirilmiş Samitində imzalanan anlaşmanın şərtlərini həmkarlarına xatırladıb və bu barədə real addımların atılmasını gözlədiklərini ifadə edib.