“Ermənistan Xarici İşlər Nazirliyi Laçın yolu ilə bağlı yalan narrativləri davam etdirir”.

Sumqayit.tv xəbər verir ki, bu barədə Azərbaycan Xarici İşlər Nazirliyinin mətbuat katibi Ayxan Hacızadə özünün “Twitter” səhifəsində yazıb.
O bildirib ki, Ermənistan XİN Laçın yolunun blokadası və Qarabağda yaşayan ermənilərin sayı barədə yalan məlumatlar yaymağa davam edir.
“Ancaq sosial şəbəkələrdə yayılan çoxsaylı videogörüntülərdə aydın görünür ki, avtomobillər Laçın yolundan sərbəst keçir”, - deyə o qeyd edib.
Xatırladaq ki, dekabrın 12-dən etibarən azərbaycanlı ekofəallar, QHT nümayəndələri, ictimai-siyasi fəallar Şuşa-Xankəndi yolunda aksiya keçirirlər.
Ermənistan XİN isə bəyan edib ki, ekofəallar Laçın yolunu bağlayıb və 120 min erməni humanitar böhranla üz-üzə qalıb.