Qərbi Azərbaycan İcması Argentina prezidentinin anti-Azərbaycan açıqlamasını qətiyyətlə rədd edir
Sumqayit.tv xəbər verir ki, bu barədə icmanın açıqlamasında bildirilib.
“Argentina prezidenti ölkəsinin ağır sosial-iqtisadi məsələlərini, yoxsulluq, korrupsiya kimi problemlərini həll etmək əvəzinə, özünə aid olmayan məsələlərə, özü də diletantcasına münasibət bildirir. Hiss olunur ki, onun beynəlxalq münasibətlər, beynəlxalq hüquq, coğrafiya barədə bilikləri çox səthidir. “Azərbaycanı Dağlıq Qarabağı nəzarətə götürmək”də ittiham etmək Argentinanı Mendosa əyalətini nəzarətə götürməkdə ittiham etmək kimi bir şeydir.
Azərbaycanı “etnik, dini, irqi təqib”də ittiham edən Alberto Fernandesə Argentinada 19-cu əsrdə köklü tayfaların məhv edildiyini xatırladır və diqqəti bu məsələlərə yönəltməyə çağırırıq”, - açıqlamada vurğulanıb.
20-09-2023, 16:04
121
