Braziliyanın xarici işlər naziri Mauro Vieira Azərbaycan xarici işlər naziri Ceyhun Bayramov ilə telefon danışığı aparıb.

Sumqayıt.tv xəbər verir ki, bu barədə Azərbaycan Xarici İşlər Nazirliyi məlumat yayıb.

Telefon danışığı zamanı Azərbaycanla Braziliya arasında ikitərəfli əməkdaşlıq, çoxtərəfli platformalarda qarşılıqlı fəaliyyət, eləcə də Yaxın Şərqdə mövcud təhlükəsizlik vəziyyəti müzakirə olunub.

Tərəflər Azərbaycan–Braziliya Ticarət və İnvestisiyalar üzrə İşçi qrupunun fəaliyyəti, iqtisadi əlaqələrin genişləndirilməsi imkanları, həmçinin iqlim gündəliyi üzrə əməkdaşlıq məsələlərini nəzərdən keçiriblər. Bu çərçivədə COP29 və COP30 tədbirləri ilə bağlı birgə əlaqələndirmə də müzakirə mövzusu olub.

Nazirlər Yaxın Şərqdə davam edən müharibə ilə bağlı ciddi narahatlıqlarını ifadə edərək, vəziyyətin daha da gərginləşməsinin qarşısının alınmasının vacibliyini vurğulayıblar. Münaqişələrin beynəlxalq hüququn norma və prinsipləri əsasında, dialoq və diplomatik vasitələrlə həllinin əhəmiyyəti qeyd olunub.

Braziliya tərəfi İran ərazisindən Azərbaycana qarşı həyata keçirilmiş dron hücumu ilə bağlı ölkəmizlə həmrəyliyini ifadə edib. Həmçinin Braziliya naziri mövcud təhlükəsizlik şəraitində vətəndaşlarının və diplomatlarının İrandan təxliyəsinə göstərilən dəstəyə görə Azərbaycana minnətdarlığını bildirib.

23-03-2026, 22:53 18