Ermənistanda nüfuzunu itirmiş hakimiyyət nümayəndələri boş bəyanatlar verməklə məşğuldurlar. Onun sözlərinə görə, seçkidən sonra hökuməti və parlamenti formalaşdıra bilmirlər, mənasız çıxışlarla cəmiyyəti aldadırlar:

Sumqayit.tv -nin məlumatına gorə bu fikirləri deputat Asim Mollazadə musavat.com-a bildirib. “Onlar erməni ictimai rəyini çaşdırırlar. Müharibədən əvvəl də erməni xalqını aldatdılar, sonra da yenə həqiqətləri söyləmirlər. Bu günə qədər erməni xalqından müharibədəki itkilərin real sayını gizlədirlər, ölənlərin cəsədlərini ailələrinə təhvil vermirlər. Bu addımları atanlardan nə gözləmək olar? Odur ki, heç kim boş sözlərə inanmasın, Azərbaycan Rusiya ilə normal münasibətlərə malikdir”.

Deputat hesab edir ki, Ermənistan boş-boş bəyanatlar verməkdənsə, Azərbaycana qarşı ərazi iddialarını kənara qoymalı, nəqliyyat sistemlərinin açılmasına başlamalı, dövlət kimi özünü xilas etməlidir: “Ermənistan Türkiyə və Azərbaycanla əməkdaşlığın qurulmasını istəyirsə, bu iki ölkəyə qarşı ərazi iddialarından əl çəkməli, Azərbaycanın ərazi bütövlüyünü tanımalı, bu cür bəyanatları kənara qoyub real işlər görməlidir. Bu halda bölgədə stabillik və sülh mühiti yaradıla bilər. Rusiya da maraqlıdır ki, bölgədə sabitlik olsun, dünyanın  bir sıra istiqamətlərinə nəqliyyat çıxışları yaransın. Ona görə Ermənistan istədi-istəmədi, buna məcbur ediləcək”.
Qeyd edək ki, bir neçə gün öncə  Ermənistan Təhlükəsizlik Şurasının katibi Armen Qriqoryan "Rusiya sülhməramlıları Qarabağı müddət bitəndən sonra da tərk etməyəcəkl " iddiasıni irəli sürmüşdü.