Ermənistanın xarici işlər naziri Ara Ayvazyanın istefasından sonra bu ölkənin Xarici İşlər Nazirliyində yaranan gərginlik davam edir.
Sumqayit.tv xəbər verir ki, “Hraparak” qəzetinın yazdıgına görə, müstəqil düşüncəli təcrübəli diplomatlar işdən çıxarılır. Belə ki, bir müddət əvvəl ailəsi ilə birlikdə xaricə getmək istəyən 10 diplomatın səfəri təxirə salınıb - hökumət Ara Ayvazyanın xarici ölkələrə təyin etdiyi diplomatları işdən çıxarmaq qərarına gəlib. “Hraparak” yazır ki, Ermənistan baş naziri səlahiyyətlərini icra edən Nikol Paşinyan vaxtilə ona qarşı çıxış etmiş XİN əməkdaşlarını bağışlamamaqda qətiyyətlidir.
Qeyd edək ki, Nikol Paşinyan Azərbaycanla Ermənistan sərhədində gərginliyin azaldılmasına dair planını açıqlayandan sonra mayın 27-də o vaxtkı xarici işlər naziri Ara Ayvazyan istefa verib. Nazirdən sonra müavinləri Qagik Qalaçyan, Avet Adons, Artak Apitonyan və Armen Gevondyan istefa ərizələrini yazıblar. Amma A.Gevondyanın istefası qəbul edilməyib. O, xarici işlər nazirinin səlahiyyətlərini icra edir.