Ukrayna Prezident Aparatının rəhbəri Andrey Yermak bildirib ki, indi əsas vəzifə müharibəni dayandırmaq və Rusiya qoşunlarını heç olmasa fevralın 23-nə qədər olan sərhədə sıxışdırmaqdır.
O əlavə edib ki, Ukrayna Prezidenti Volodimir Zelenski artıq rusiyalı həmkarı Vladimir Putinlə danışıqlar masasına oturmağa hazırdır.
“Donetsk və Luqanskın ayrı-ayrı rayonları (ORDLO - Ukraynanın müvəqqəti işğal altındakı zonası) və Krım məsələsi iki prezidentin görüşündə müzakirə edilməli olan mürəkkəb məsələlər haqda prezidentimiz oturub danışmağa hazırdır. Ancaq heç bir halda bizim müstəqilliyimiz, suverenliyimiz, ərazi bütövlüyümüz müzakirə olunmayacaq. Bizim hökumət dövründə bu, dəqiq baş verməyəcək”, - deyə Yermak bildirib.