Kuba hakimiyyətinin etirazların arxasında ABŞ-ın dayanması ilə bağlı açıqlaması ciddi səhvdir.

Sumqayit.tv axar.az-a istinadən xəbər verir ki, bu sözləri ABŞ Dövlət katibi Entoni Blinken deyib.
“Bu ondan xəbər verir ki, onlar (Kuba hakimiyyəti – red.) kubalıların səsini eşitmir”, - deyə Blinken bildirib.
Amerikalı rəsminin sözlərinə görə, Kuba əhalisi artıq repressiyalar, qida çatışmazlığı, pandemiyaya qarşı qeyri-adekvat addımlardan yorulub.
Qeyd edək ki, dünən Kubada etiraz aksiyaları başlayıb. Etirazçılar seçkinin keçirilməsi və sosial problemlərin həllini tələb ediblər.
Kuba hakimiyyəti ölkədəki kommunistləri etirazçılara qarşı çıxmağa səsləyib.