Bildiyiniz kimi bugün avqust tarixində Brüsseldə Azərbaycan Respublikasının prezidenti İlham Əliyev və Ermənistanın baş naziri Nikol Paşinyan arasında görüş keçiriləcək. Görüşlə bağlı siyasi analitik Elxan Şahinoğlu Sumqayit.tv-yə verdiyi açıqlamada görüşdən o qədər də müsbət nəticələr gözləmədiyini dedi. O “Sonuncu dəfə belə bir görüş 22 may tarixində Avropa İttifaqı Şurasının rəhbəri Şarl Mişelin vasitəçiliyi ilə keçirilmişdir. O zaman da kommunikasiya xətlərinin açılması, sülh sazişinin imzalanması və s. mövzular müzakirə edilirdi. Sonda qərar verildi ki, növbəti görüş avqust ayının sonunda keçirilsin. Amma çox təəssüf ki, irəliləyiş yoxdu. Ermənistan baş naziri qorxur, çəkinir. Nə sərhədlərin müəyyənləşməsi istiqamətində irəliləyiş var nə də kommunikasiya xətlərinin açılması. Ancaq bir müsbət nəticə gözləmək olar ki, sülh sazişilə bağlı heç olmasa Azərbaycan, Ermənistan və Aİ iştirakı ilə 3 tərəfli işçi qrupu yaradılsın.  Belə qərar verilsə biz bunu müsbət nəticə kimi qəbul edə bilərik. Əsas odur ki, Ermənistan Azərbaycanın ərazi bütövlüyünü tanısın.” - deyə bildirdi.

 Daha sonra politoloq “Bəs sizcə Rusiya bu məsələyə seyirci qalar mı?” sualına Moskvanın məsələyə qısqanc yanaşdığını bildirib. “Aİ-nın Brüsseldəki görüşündən sonra Putin dərhal liderləri Kremlə toplayır ki, məsələdən geri qalmasın. Bu əslində bizim üçün faydalıdır çünki Aİ Qarabağ məsələsini gündəmə gətirmir. Rusiya bu sferada rol oynamağa çalışır. Səhv etmirəmsə 1-2 gün öncə Moskvada növbəti işçi görüşü oldu. Burada da kommunikasiya məsələləri müzakirə olundu. Lakin irəliləyiş yoxdur hələki. Rusiya birbaşa maneçilik törədə bilməyəcək amma hər halda məsələyə qısqanc yanaşdığından Brüsseldəki görüşdən sonra Moskvada da görüş təşkil oluna bilər.”