Sumqayıtda bir sıra ticarət obyektlərində nöqsanlar aşkarlanıb.
Sumqayit.tv xəbər verir ki, bu barədə AQTA məlumat yayıb. Qurumun əməkdaşlarının Sumqayıt ərazisində keçirdiyi monitorinqlər zamanı bir sıra ticarət və ictimai iaşə müəssisələrində qanunvericiliyin tələblərinə riayət olunmadığı məlum olub. Belə ki, 14-cü məhəllə ərazisində fəaliyyət göstərən "Bərəkət" marketdə, Bələdiyyə parkı ərazisində yerləşən "Zeytun"restoranında obliqat qrupuna daxil olan işçilərin ilkin və dövritibbi müayinədən keçməməsi, baytarlıq şəhadətnaməsi və ya arayışı olmayan heyvan mənşəli məhsulların qəbulunda, 2-ci məhəllədə yerləşən "Karakoç" restoranında baytarlıq şəhadətnaməsi və ya arayışı olmayan heyvan mənşəli məhsulların qəbulunda, 12-ci mikrorayonda olan "Cansu Türk mətbəxi” restoranında və 10-cu mikrorayondakı "Dayının Kafesi"ndə isə obliqat qrupuna daxil olan işçilərin ilkin və dövri tibbi müayinədən keçməməsi ilə bağlı nöqsanlar aşkar edilib.
Aşkar edilmiş nöqsanlarla bağlı qanunvericiliyin tələblərinə uyğun müvafiq tədbirlər görülüb.