Sumqayıt Regional Mədəniyyət İdarəsinə tabe olan Qubadlı Rayon MİHİK-nin sədri Yaqub Vəliyevin təşəbbüsü və təşkilatçılığı ilə mədəniyyət işçiləri Vətən müharibəsi şəhidi Vüsal Tahir oğlu Allahverdiyevin ailəsini ziyarət ediblər. Kollektiv öncə şəhidin məzarına gül dəstələri qoyub, yaşadığı binanın önündə şəhidin xatirəsinin əbədiləşdirilməsi üçün qoyulan baralyefi ziyarət ediblər.
Qeyd edək ki, Vüsal Tahir oğlu Allahverdiyev 30 oktyabr 2020-ci ildə Xocavənd istiqamətində döyüş tapşırığının yerinə yetirilməsi və yaralıların döyüş meydanından çıxarılması zamanı qarşı tərəfin atdığı mərmi nəticəsində şəhidlik məqamına yüksəlmişdir.
Ziyarət zamanı şəhidin xoş xatirələrindən danışılıb, ailəyə maddi və mənəvi dəstək olunub, vurğulanıbki, şəhidləri unutmamaq, onların ailələrini daim yad etmək bizim əbədi borcumuzdur.

Mənbə; xeberle.com