Bugün şəhidimiz Cəfərov Cavid Fərhad oğlunun anım mərasimi qeyd olunub. Tədbir Şəhidlər Xiyabanında şəhidin məzarını ziyarət ilə başlayıb. Daha sonra boya başa çatdığı evdə davam edib.
Qeyd edək ki, Cavid Cəfərov 1 dekabr 1993-cü ildə Sumqayıt şəhərində dünyaya gəlib. O, 2000-2009-cu illərdə Sumqayıt şəhər 33 nömrəli tam orta məktəbdə təhsil alıb. 2009-2013-cü illərdə Sumqayıt Dövlət Texniki Kollecində təhsilini davam etdirb və 2013-cü ildə kolleci "nəqliyyatda daşımaların və idarə etmənin təşkili” ixtisasını bitirib. 2016-cı ilin iyul ayında müddətli həqiqi hərbi xidmətə yollanan Cavid Cəfərov 2018-ci ilin yanvarında hərbi xidmətini başa vurur. Elə həmin ilin 13 oktyabr tarixindən müddətdən artıq həqiqi hərbi xidmət hərbi qulluqçusu kimi "N" saylı hərbi hissədə xidmətini davam etdirmişdir.

Azərbaycan Ordusunun əsgəri olan Cavid Cəfərov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində iştirak edib.  Cavid Cəfərov Füzulinin azadlığı uğrunda gedən döyüşlərdə böyük şücaət göstərib. Cavid 1 oktyabr 2020-ci ildə Füzuli rayonu istiqamətində yaralı komandirini xilas edərkən həlak qəhrəmancasına olmuşdur.
Ruhun şad olsun, İgid!