Bugün daha iki şəhidimizin İzzət Həmidov və Şöhrət Qasımovun anım günü qeyd olunub.

İzzət Qasımovun Mərasimi şəhidlərin məzarının Şəhidlər xiyabanında ziyarəti ilə başlayıb, mərasim evində davam edib. Tədbirdə şəhid ailələri, yaxınları, Kamil Zeynallı, müxtəlif ictimai birliklərin üzvləri, qazilər, ilahiyyatçılar, müğənnilər və şəhid İzzət Həmidovun adına açılmış “Fidan Kidsland” bağçasının kollektivi iştirak edib. Qeyd edək ki, İzzət Həmidov 28 fevral 2000-ci ildə Sumqayıt şəhərində anadan olub. Bir ilin əsgəri olan şəhidimiz 2020-ci il oktyabrın 9-da Füzulinin Alıxanlı kəndi istiqamətində gedən döyüşlərdə qəhrəmancasına şəhidlik zirvəsinə ucalıb. Allah rəhmət eləsin!

Şöhrət Qasımov 16 avqust 1992-ci ildə Gədəbəy rayonunda anadan olmuşdur. Azərbaycan Ordusunun baş leytenant olan Şöhrət Qasımov, hərbi həkim kimi Azərbaycan Ordusunun sıralarinda  2020-ci il sentyabrın 27-də Vətənin xilası üçün döyüşlərə atılmışdı. O, Ermənistanın  30 il işğalı altında saxladıqları  ərazilərimizin  azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsinin elə ilk günlərində 29 sentyabrda Tərtər rayonunun Suqovuşan kəndi istiqamətində gedən ağır  döyüşlər zamanı şəhidlik zirvəsinə yüksəlib. Allah rəhmət eləsin!
Ruhunuz şad olsun, İgidlər!

Müəllif: Vəsiqə Dadaşova