Bu gün Kərim Rövşən oğlu Əhmədəliyevin anım günü qeyd olunub.
Sumqayit.tv xəbər verir ki, öncə şəhidimizin məzarı Şəhidlər xiyabanında ziyarət olunub. Daha sonra yaşadığı evdə davam edib. Tədbirdə şəhidin ailəsi, yaxın və qohumları, digər şəhid ailələri iştirak edib.
Xatırladaq ki, Kərim Əhmədəliyev 1998-ci il iyunun 12-də Sumqayıt şəhərində anadan olub. Kərim Əhmədəliyev 2020-ci ildən Azərbaycan Silahlı Qüvvələrinin "N" saylı hərbi hissəsində müddətli həqiqi hərbi xidmətdə idi. Azərbaycan Ordusunun əsgəri olan Kərim Əhmədəliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Suqovuşanın azadlığı uğrunda gedən döyüşlərdə savaşıb. Kərim Əhmədəliyev oktyabrın 4-də Suqovuşan döyüşləri zamanı şəhid olub. Sumqayıt şəhərinin Şəhidlər Xiyabanında dəfn olunub.
Ruhun şad olsun!
Müəllif: Vəsiqə Dadaşova