Bu gün şəhid Quluyev Azər Zakir oğlunun mövlud mərasimi keçirilib. Tədbir şəhidimizin Şəhidlər xiyabanındakı məzarını ziyarət ilə başlayıb.
 Sumqayit.tv xəbər verir ki, mərasimdə şəhidin ailə və yaxınları, Sumqayıt şəhər İstedad liseyi və 37 saylı məktəbin şagird və müəllimləri və digər şəhid ailələri iştirak edib. 
Quluyev Azər Zakir oğlu 11 oktyabr 1996-ci ildə Sumqayıt şəhərində anadan olub. 2015-2017-ci illərdə Qazax rayonunda həqiqi hərbi xidmətdə olub, həmçinin məlum Aprel döyüşlərində də fəal iştirak edib. Quluyev Azər 2020-ci il sentyabrın 29-da II Qarabağ - Vətən müharibəsinə könüllü olaraq yollanmış, şərəfli bir döyüş yolu keçmişdir. O, oktyabrın 23-də Xocavənd uğrunda gedən döyüşlərdə qəhrəmanlıqla şəhidlik zirvəsinə ucalıb, Sumqayıt şəhər “Şəhidlər xiyabanı"nda dəfn olunmuşdur. Azərbaycan Respublikası Prezidentinin 15 dekabr 2020-ci il tarixli Sərəncamı ilə Quliyev Azər Zakir oğlu ölümündən sonra “Vətən uğrunda” medalı və "Xocavəndin azad olunması" medalı ilə təltif edilib.
Ruhun şad olsun!
Müəllif: Vəsiqə Dadaşova