Bu gün şəhidimiz Nuriyev Salehin anım günü qeyd olunub. 
Sumqayit.tv xəbər verir ki,  tədbir şəhidin məzarının Şəhidlər Xiyabanında ziyarət olunması ilə başlayıb. Mərasimdə şəhidin ailəsi, qohumları, İcra Hakimiyyətinin nümayəndələri, başda şəhidimiz Polad Həşimovun anası Səmayə ana olmaqla digər şəhid ailələri və şəhidin sinif yoldaşları iştirak edib. Daha sonra tədbir mərasim evində davam edib.
Xatırladaq ki, Saleh Nuriyev 18 iyul 2002-ci ildə Sumqayıt şəhərində doğulub. 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Saleh Nuriyev Qubadlı və Cəbrayıl döyüşlərində savaşıb. 16 oktyabr 2020-ci ildə Cəbrayıl uğrunda gedən döyüşlərdə şəhid olub. Saleh Nuriyev Sumqayıt Şəhidlər Xiyabanında torpağa tapşırılmışdır.
Ruhun şad olsun, Vətən oğlu!
Müxbir: Vəsiqə Dadaşova