Bu gün "Vətən" müharibəsinin şəhidi Fərhadlı Fərhad Vüqar oğlunun anım günüdür.
Sumqayit.tv xəbər verir ki, mərasim şəhidin məzarının Şəhidlər Xiyabanında ziyarət olunması ilə başlayıb. Daha sonra isə "Billur" mərasim evində ehsan süfrəsi verilərək davam edib. 
Məclisdə Kapital Bankın kollektivi, İcra hakimiyyətinin nümayəndələri, qohumları və şəhid ailələri iştirak ediblər. 
Qeyd edək ki, Fərhad Vüqar oğlu Fərhadlı 8 dekabr 1993-ci ildə Sumqayıt şəhərində anadan olub. O, 2016-ci ildə Hərbi xidmətə yollanıb. Aprel doyüşləri zamanı hərbi xidmətdə olub. İş həyatına Gilan Holdinqdə başlayıb, sonra isə Kapital bankda davam edib. Fərhad Fərhadlı 21 sentyabr 2020-ci il tarixində hərbi təlimlərə qatılıb. O, bir həftə təlim keçdikdən sonra 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində savaşıb. 20 oktyabr Cəbrayıl uğrunda gedən döyüş zamanı yaralı daşayan sırada şəhid olub.
Ruhun şad olsun, Vətənimizin mərd oğlu!
Müxbir: Vəsiqə Dadaşova